દિવાળીની પૂજા હિન્દુ ધર્મમાં ખૂબ જ ખાસ માનવામાં આવે છે.દિવાળીએ પૂર્ણ શ્રદ્ધા અને વિધિ-વિધાનથી દેવી લક્ષ્મીની પૂજા કરવાથી તેનું શુભફળ આખું વર્ષ મળે છે.દેવી લક્ષ્મીની પૂજા કરતી વખતે થોડી વાતોનું ધ્યાન રાખવું ખૂબ જ જરૂરી માનવામાં આવે છે.માટે લક્ષ્મી પૂજા અને પૂજાકક્ષ સાથે સંબંધિત આ વાતો ઉપર જરૂર ધ્યાન આપવું.
દીપોત્સવી પર્વના શુભદિન કહેવાતાં પાંચ દિવસો જ્યારથી શરુ થાય છે એ દિવસ છે ધનતેરસ… ધનની વાત આવે એટલે સૌને આકર્ષે એ તો ખરું જ, માનવી પૈસા કમાવા માટે સવારથી સાંજ અને રાતે પણ દોટ મુકે છે, તે પૈસા સાથે સંકળાયેલ લક્ષ્મીજીને રીઝવવાનો દિવસ છે, ધનતેરસ… સાથે આ દિવસનો અલગ અને આગવો દિનમહિમા પણ છે. ભારતભરમાં ધામધૂમથી ઉજવાતા આ દિવસ પ્રસંગે કેટલું વધુ જાણીએ. સૌપ્રથમ ધનપૂજનના મુહૂર્તો જોઇએ.
વૈદ્ય-તબીબો કરશે ધન્વંતરિ પૂજન
કહેવાય છે કે ધનતેરસના દિવસે, દેવ-દાનવોના સમુદ્રમંથનમાંથી માતા લક્ષ્મી અને ભગવાન ધન્વંતરિ પ્રગટ થયાં હતાં. આ દિવસે એટલે જ વૈદ્યો-ડોક્ટરો દ્વારા સામૂહિક અને વ્યક્તિગત ધોરણે ભગવાન ધન્વંતરિનું પૂજન કરવામાં આવે છે અને નવા વર્ષ માટે સૌની સ્વાસ્થ્યકામના વાંછવામાં આવે છે. ભગવાન ધન્વંતરિને નારાયણ વિષ્ણુનું જ એક સ્વરુપ માનવામાં આવે છે. તેમને ચાર ભૂજાઓ છે તેમણે બે ભૂજામાં શંખ અને ચક્ર ધારણ કરેલાં છે અને બે ભૂજામાં ઔષધિઓ સાથે અમૃત કળશ લીધેલાં છે. માનવામાં આવે છે કે અમૃત કળશ પિત્તળનો બનેલો છે કારણ કે ભગવાન ધન્વંતરિને પિત્તળની ધાતુ અતિપ્રિય છે. આ કારણે જ ધનતેરસના દિવસે સોના કરતાં વધુ પિત્તળની ખરીદીને શુભ માનવામાં આવી છે.
ખરીદો પિત્તળ ચાંદી અને સોનુ
ધનતેરસે ખરીદાયેલી વસ્તુ લાંબો સમય ચાલે છે અને શુભફળ આપતી હોવાનું માનવામાં આવે છે ત્યારે શાસ્ત્રજ્ઞોની સલાહ છે કે આ દિવસે પિત્તળ ખરીદવામાં આવે તો તેનું તેરગણું ફળ મળે છે. ઉલ્લેખનીય છે કે પિત્તળની ધાતુ તાંબુ અને જસતના મિશ્રણથી કરવામાં આવે છે. વૈદિક ધર્મની પૂજાઅર્ચનામાં પહેલેથી જ પૂજાપાઠ અને ધાર્મિક કર્મમાં પિત્તળના વાસણો જ ઉપયોગમાં લેવામાં આવે છે.
મહાભારતમાં એક પ્રસંગ આલેખાયેલો છે કે સૂર્યદેવે દ્વૌપદીને પિત્તળનું અક્ષયપાત્ર વરદાનરુપે આપ્યું હતું તેની વિશેષતા એ હતી કે દ્વૌપદી ગમે એટલી સંખ્યામાં લોકોને ભોજન કરાવે પણ ભોજન ઘટતું ન હતું.
ધનતેરસે લોકો વાસણો પણ ખરીદે છે. તેમાં ચાંદીની ખરીદીને પણ શુભ માનવામાં આવે છે કારણ કે ચાંદી ચંદ્રમાનું પ્રતીક છે અને ચંદ્ર પોતે શીતળતાનું. માટે ચાંદી ખરીદવાથી મનમાં સંતોષરુપી ધનનો વાસ થાય છે અને જેની પાસે સંતોષરુપી ધન છે તે પાસે સંતોષરુપી ધન છે તે સાચા અર્થમાં સ્વસ્થ, સુખી અને ધનવાન છે.
આ દિવસે પોતાનું ઘર એકદમ ચોખ્ખુંચણાક, સ્વચ્છ હોય તે માટે બધો નકામો કચરો કાઢી નાંખવામાં આવતો હોય છે. આ દિવસે ઘરમાં શંખ લાવવાનો પણ આગવો મહિમા છે. આ શંખ દીવાળીના પૂજન સમયે વગાડવામાં આવે છે. આમ કરવાથી ઘરમાં લક્ષ્મીનું આગમન થાય છે અને અનિષ્ટ ટળે છે. આ દિવસે મીઠું ઘરમાં લાવીને આ નવું લાવેલું મીઠું-SOLT વાપરવું પણ જોઇએ. આ પ્રકારે મીઠાના ઉપયોગથી વર્ષભર ધનનો અભાવ રહેતો નથી. દિવાળીના દિવસે આ મીઠાનો ઉપયોગ કરી ઘરમાં પાણીના પોતાં કરવાથી દરિદ્રતાનો નાશ થઈ જાય છે.
આ વર્ષે અતિ શુભયોગ
આ વર્ષે જ્યોતિષની દ્રષ્ટિએ જોઇએ તો ગુરુ-ચંદ્રનો ખૂબ સુંદર એવો ગજકેસરી યોગ અને સૂર્ય-બુધનો બુધાદિત્ય યોગ પણ છે. મહાલક્ષ્મીનો વાર મનાતો શુક્રવાર પણ સંયોગ કરી રહ્યો છે. આ બંને યોગ આવનાર વર્ષમાં વેપારીઓ માટે લાભદાયક રહેશે. તેમ જ રવિપુષ્યમાં ખરીદી કરવાની રહી ગઇ હોય તો સોનાચાંદીની ખરીદી માટે આ ધનતેરસ શ્રેષ્ઠ દિવસ બની રહેશે.
આ દિવસે શ્રીમહાલક્ષ્મીઅષ્ટકમ સ્ત્રોત્ર, શ્રીસૂક્તનું પઠન મહાલક્ષ્મીની કૃપા અને પ્રસન્નતા મેળવવાનો ઉત્તમ અવસર પ્રાપ્ત થઈ રહ્યો છે. ધનતેરસના દિવસથી સૌ કોઇ યથાશક્તિ તહેવારોના દિવસોની ઉજવણી શરુ કરે છે. જેમાં પરિવારજનો સાથે ભેગાં મળી લક્ષ્મીપૂજન કરવાથી શુભારંભ થાય છે. ધનતેરસના દિવસથી દીપક પ્રગટાવી ઘરના ખૂણેખૂણાને પ્રકાશમાન કરાય છે. આંગણામાં રંગોળી સજાવાય છે. આસોપાલવના તોરણ બાંધવામાં આવે છે. માતા લક્ષ્મીને મીઠી વાનગીનું નૈવેદ્ય ધરાવાય છે.
ધનતેરસ સાથે જોડાયેલાં કથાનકો
ધનતેરસ સાથે જોડાયેલી યમકથા પણ રસપ્રદ છે. એક દૂતે યમરાજને પ્રશ્ન કર્યો હતો કે અકાળ મૃત્યુથી બચવાનો કોઇ ઉપાય છે… તો યમરાજે કહ્યું હતું કે જો ધનતેરસે સાંજે યમના નામે દક્ષિણદિશામાં દીવો પ્રગટાવીને રાખે તો તેનું અકાળ મૃત્યુ થતું નથી. આ કારણે ભારતભરમાં દીપાવલિપર્વના આ પ્રથમ દિવસથી દીપદાન કરી ઘરના આંગણામાં દીપક પ્રગટાવવાનો મહિમા જોવા મળે છે.
ધનતેરસ પછી આવતી કાળી ચૌદશે દીપદાનનો જે મહિમા છે તેમાં પણ ધનતેરસ સાથે સંકળાયેલું એક કથાનક છે. પુરાણોમાં વર્ણવ્યાં પ્રમાણે રાજા હિમાના સોળ વર્ષના પુત્રનું તેના લગ્નના ચોથા દિવસે સર્પદંશથી મૃત્યુ થશે એવું પંડિતો દ્વારા ભાવિ ભાખવામાં આવ્યું હતું. સંજોગે આ દિવસ ધનતેરસનો હતો. આ આખો દિવસ રાજકુમારની પત્નીએ તેને ઊંઘવા ન દીધો અને સતત ગાતી રહી. તેમ જ પોતાના રત્નો મઢેલાં ઝવેરાતને પ્રવેશદ્વાર પર મૂકાવી આસપાસમાં ખૂબ જ દીવા કર્યાં અને આખી રાત એ રીતે પતિ સાથે વીતાવી જાગરણ કર્યું. વહેલી સવારે જ્યારે યમરાજ સર્પનું રુપ લઇ રાજકુ
ધન તેરસ: કલ્યાણકારી લક્ષ્મી મેળવવાનો આજે સંકલ્પ કરીએ
આજનો દિવસ આમ તો લક્ષ્મીજીને સમર્પિત છે. મા લક્ષ્મીની આરાધનાનો અને ધનની પૂજાનો આ દિવસ છે. આ દિવસે સોનું-ચાંદી ખરીદવું તે શુકનવંતુ ગણાય છે. આ દિવસે ધન-ધાન્ય અને સમૃદ્ધિના દેવ કુબેરની પૂજાનું પણ અનેરું મહત્વ છે. લંકાપતિ રાવણે કુબેરની આ સાધના બાદ સુવર્ણલંકા પ્રાપ્ત કરી હતી તેવો શાસ્ત્રોમાં ઉલ્લેખ છે. ધનતેરસનું બીજું પણ એક મહત્વ છે. આ દિવસે સમુદ્રમંથનના ફળસ્વરૂપે ભગવાન ધન્વંતરિ ઉત્પન્ન થયા હોવાથી તેને ધન્વંતરિ ત્રયોદશી કે ધન્વંતરિ જયંતી તરીકે ઓળખવામાં આવે છે. આયુર્વેદ જે પાંચમા વેદ તરીકે જાણીતો છે તેના પ્રણેતા ભગવાન ધન્વંતરિની પ્રાર્થના, પૂજા અર્ચના અને ઉપાસનાનો આ દિવસ છે.
આમ તો દિવાળીને આપણે દીપાવલિ કહીએ છીએ. દીવો આ રીતે દિવાળીના તહેવારો સાથે જોડાયેલો છે, પણ દીવાની હારમાળા એટલે કે દીપાવલિ સાથે જેને પ્રત્યક્ષ સંબંધ હોય તેવો તહેવાર માત્ર ધનતેરસ છે.
પૌરાણિક કથા પ્રમાણે એક દિવસ યમરાજે યમદૂતને પૂછ્યું કે તું પૃથ્વી પર જઈને અનેકોના પ્રાણનું હરણ કરે છે તો તને ક્યારેય દુઃખ નથી થતું. યમદૂતે જવાબ આપ્યો કે ભગવાન આમ તો આ મારી ફરજ છે પણ એકવખત મને ખરેખર રંજ થયેલો. યમરાજે પૂછ્યું કે આવું ક્યારે બનેલું ? ત્યારે યમદૂતે કહ્યું કે એક વ્યક્તિ જેનાં લગ્નને માત્ર ચાર જ દિવસ થયા હતા તેના પ્રાણ મારે ધનતેરસના દિવસે હરવા પડ્યા ત્યારે મને ખરેખર અફસોસ થયો હતો. યમદૂતની આ વાત સાંભળી યમરાજે ત્યારે એવું વચન આપ્યું કે ધનતેરસને દિવસે જેને ત્યાં દીપદાન થશે એટલે કે દીવડાઓ પ્રગટાવાશે તેનો જીવનદીપ એ દિવસે બુઝાશે નહીં. મનુષ્ય અમર નથી પણ આ રીતે એક દિવસ માટે યમરાજાએ એને અમરત્વ પ્રદાન કર્યું છે.
ધનતેરસનું એક બીજું પણ મહત્વ છે. બલિરાજાના કારાગ્રહમાં પૂરાયેલાં લક્ષ્મીજી તથા અન્ય દેવોને ભગવાન વિષ્ણુએ ધનતેરસને દિવસે મુક્ત કરાવ્યાં, જેને કારણે આ દિવસે લક્ષ્મીપૂજન થાય છે. લક્ષ્મીનો અર્થ જ શુકનવંતી અને મંગલકારી સ્ત્રીસ્વરુપા દેવી છે એટલે જ કહ્યું છે કે 'યત્ર નાર્યસ્તુ પૂજ્યન્તે રમન્તે તત્ર દેવતાઃ'
ધનતેરસ જેના દિવસે દેવતાઓના ખજાનચી કુબેર અને દિવાળી જેને દિવસે ધનની દેવી લક્ષ્મીની પૂજા કરવામાં આવે છે તે બન્ને દિવસો લક્ષ્મીની ઉપાસના માટેના ઉત્તમ દિવસો છે. એવું કહેવાય છે કે ધનતેરસ અને દિવાળીના દિવસે કરવામાં આવેલાં દાન, હવન, પૂજા અને અન્ય વિધિ-વિધાનોનું અક્ષય એટલે કે સંપૂર્ણ ફળ મળે છે. તંત્રશાસ્ત્રમાં કેટલાક ચોક્કસ પ્રયોગો દ્વારા લક્ષ્મીપ્રાપ્તિ માટેના ઉપાયો સૂચવેલા છે. કુબેરયંત્ર અથવા મહાલક્ષ્મીયંત્ર જે સંપૂર્ણ વિધિવત્ સિદ્ધ કરવામાં આવ્યાં હોય તેને ગલ્લા કે તિજોરીમાં રાખવાથી પ્રચૂર માત્રામાં ધનની પ્રાપ્તિ થાય છે. જોકે આનો ભરપૂર લાભ કેટલાક ઠગવિદ્યા કરનારા પણ ઊઠાવે છે. આ કારણથી જાહેરખબરો થકી વેચાતા આ પ્રકારનાં યંત્રો મોંઘાભાવે ખરીદનારને ધનપ્રાપ્તિ થવાને બદલે નુક્સાન થાય છે તે સમજવું જોઈએ. પરસેવો પાડ્યા વગર અને પોતાના હક્કની ન હોય તે રીતે પ્રાપ્ત કરેલી લક્ષ્મી ક્યારેય ટકતી નથી. લક્ષ્મીનાં પણ આઠ પ્રકાર છે જે નીચે મુજબ છેઃ
1. આદિલક્ષ્મી
2. ધનલક્ષ્મી
3. ધાન્યલક્ષ્મી
4. ગજલક્ષ્મી
5. સંતાનલક્ષ્મી
6. વીરલક્ષ્મી અથવા ધૈર્યલક્ષ્મી
7. વિજયાલક્ષ્મી
8. વિદ્યાલક્ષ્મી
આમ માત્ર રૂપિયાના પાઈ કે જરઝવેરાત એ જ લક્ષ્મી છે એ માન્યતા પણ ભૂલ ભરેલી છે. ધનતેરસને દિવસે ચાંદીના સિક્કા, ચાંદીના ગણપતિજી કે લક્ષ્મીજીની મૂર્તિ અને કોડી વિગેરેનું વિધિવત્ પૂજન કરી એને પોતાના દેવમંદિરમાં કે તિજોરીમાં રાખી શ્રીલક્ષ્મી એટલે કે કલ્યાણકારી લક્ષ્મીની કામના કરવી જોઈએ.
કાલે ધનતેરસ, આ મંત્રનો જાપ કરનારને ભગવાન કુબેર આપે છે અનંત વૈભવનું વરદાન
ધનતેરસના દિવસે ધનના દેવતા કુબેર અને આરોગ્યનું વરદાન આપતાં ધનવંતરીની પૂજા કરવામાં આવે છે. ભગવાન કુબેર પૃથ્વી પરની તમામ ધન સંપત્તિના સ્વામી છે. તેઓ ભગવાન શંકરના પ્રિય સેવક પણ છે. ધનના દેવતા કુબેરને મંત્ર સાધનાથી સરળતાથી પ્રસન્ન કરી શકાય છે. તેમાં પણ ધનતેરસના દિવસે આ વિશેષ મંત્રોના જાપ કરવાથી આશ્ચર્યજનક પરિણામ મળે છે. કુબેર મંત્રોનો જાપ દક્ષિણ તરફ મુખ રાખીને કરવા, આ મંત્ર અત્યંત દુર્લભ છે.
મંત્ર
ॐ श्रीं, ॐ ह्रीं श्रीं, ॐ ह्रीं श्रीं क्लीं वित्तेश्वराय: नम:
આ મંત્ર સિવાય તમે નીચે આપેલા ત્રણમાંથી કોઈ એક મંત્રને પણ સિદ્ધ કરી અને જાપ કરી શકો છો. કોઈપણ એક મંત્રનો દસ હજાર વખત જાપ કરવાથી સિદ્ધ થાય છે, તે સિદ્ધ થતા ભગવાન કુબેર અનંત વૈભવની પ્રાપ્તિના આશીર્વાદ આપે છે.
અષ્ટાક્ષર મંત્ર- ॐ वैश्रवणाय स्वाहा:
ષોડશાક્ષર મંત્ર- ॐ श्री ॐ ह्रीं श्रीं ह्रीं क्लीं श्रीं क्लीं वित्तेश्वराय नम:
પંચ ત્રિંશદક્ષર મંત્ર- ॐ यक्षाय कुबेराय वैश्रवणाय धन धान्याधिपतये धनधान्या समृद्धि देहि दापय स्वाहा
હનુમાન જયંતીઃ ઇચ્છિતફળ પામવાં, કાલે આ મુહૂર્તમાં કરો હનુમાન પૂજા!
ચૈત્ર મહિનાની પૂનમે હનુમાન જયંતીનો પર્વ મનાવવામાં આવે છે. આ વર્ષે આ પર્વ 22 એપ્રિલ, શુક્રવારના રોજ છે. ધર્મ ગ્રંથો પ્રમાણે જો આ દિવસ પવનપુત્રની વિધિ-વિધાનથી પૂજા કરવામાં આવે, તો તેઓ અતિ પ્રસન્ન થાય છે અને પોતાના ભક્તોની દરેક મન્નતો પૂર્ણ કરે છે.
હનુમાન જયંતીઃ ઇચ્છિતફળ પામવાં, કાલે આ મુહૂર્તમાં કરો હનુમાન પૂજા!
ચૈત્ર મહિનાની પૂનમે હનુમાન જયંતીનો પર્વ મનાવવામાં આવે છે. આ વર્ષે આ પર્વ 22 એપ્રિલ, શુક્રવારના રોજ છે. ધર્મ ગ્રંથો પ્રમાણે જો આ દિવસ પવનપુત્રની વિધિ-વિધાનથી પૂજા કરવામાં આવે, તો તેઓ અતિ પ્રસન્ન થાય છે અને પોતાના ભક્તોની દરેક મન્નતો પૂર્ણ કરે છે.
પૂજન વિધિઃ-
હનુમાનજીની પૂજા કરતી વખતે સૌથી પહેલા ધાબળો કે ઊનના આસાન ઉપર પૂર્વ દિશા તરફ મુક કરીને બેસી જાઓ. હનુમાનજીની મૂર્તિ સ્થાપિત કરો. ત્યારબાદ હાથમાં ચોખા અને ફૂલ લો અને આ મંત્રથી હનુમાનનું ધ્યાન કરો...
अतुलितबलधामं हेमशैलाभदेहं
दनुजवनकृशानुं ज्ञानिनामग्रगण्यं।।
सकलगुणनिधानं वानराणामधीशं
रघुपतिप्रियभक्तं वातजातं नमामि।।
ऊं हनुमते नम: ध्यानार्थे पुष्पाणि सर्मपयामि।।
ત્યારબાદ ચોખા અને ફૂલ હનુમાનજીને અર્પિત કરી દો.
આહ્વાનઃ હાથમાં ફૂલ લઈ આ મંત્રનું ઉચ્ચારણ કરીને શ્રીહનુમાનજીનું આહ્વાન કરો તથા એ ફૂલોને હનુમાનજીને અર્પિત કરી દો.
उद्यत्कोट्यर्कसंकाशं जगत्प्रक्षोभकारकम्।
श्रीरामड्घ्रिध्याननिष्ठं सुग्रीवप्रमुखार्चितम्।।
विन्नासयन्तं नादेन राक्षसान् मारुतिं भजेत्।।
ऊं हनुमते नम: आवाहनार्थे पुष्पाणि समर्पयामि।।
આસનઃ- નીચે લખેલ મંત્રથી હનુમાનજીને આસન અર્પિત કરો..
तप्तकांचनवर्णाभं मुक्तामणिविराजितम्।
अमलं कमलं दिव्यमासनं प्रतिगृह्यताम्।।
આસન માટે કમળ અથવા ગુલાબના ફૂલ અર્પિત કરો. ત્યારબાદ આ મંત્રોનું ઉચ્ચારણ કરીને હનુમાનજીની સામે કોઈ વાસણ અથવા જમીન ઉપર ત્રણવાર જળ છાંટો.
ऊं हनुमते नम:, पाद्यं समर्पयामि।।
अध्र्यं समर्पयामि। आचमनीयं समर्पयामि।।
ત્યારબાદ હનુમાનજીની મૂર્તિને ગંગાજળથી અથવા શુદ્ધ જળથી સ્નાન કરાવો ત્યાર પછી પંચામૃત(ઘી, મધ, ખાંડ, દૂધ અને દહીં)થી સ્નાન કરાવો. ફરી એવાર શુદ્ધ જળથી સ્નાન કરાવો. હવે આ મંત્રથી હનુમાનજીને વસ્ત્ર અર્પિત કરો અને વસ્ત્રની નિમિત્ત મૌલી ચઢાવો.
शीतवातोष्णसंत्राणं लज्जाया रक्षणं परम्।
देहालकरणं वस्त्रमत: शांति प्रयच्छ मे।।
ऊं हनुमते नम:, वस्त्रोपवस्त्रं समर्पयामि।
ત્યારબાદ હનુમાનજીને ગંધ, સિંદૂર, કંકુ, ચોખા, ફૂલ અને હાર અર્પિત કરો. હવે આ મંત્રની સાથે હનુમાનજીને ધૂપ-દીપ આપો...
साज्यं च वर्तिसंयुक्तं वह्निना योजितं मया।
दीपं गृहाण देवेश त्रैलोक्यतिमिरापहम्।।
भक्त्या दीपं प्रयच्छामि देवाय परमात्मने।।
त्राहि मां निरयाद् घोराद् दीपज्योतिर्नमोस्तु ते।।
ऊं हनुमते नम:, दीपं दर्शयामि।।
ત્યારબાદ કેળાના પાન ઉપર કે કોઈ કટોરીમાં પાનના પાનડાં ઉપર પ્રસાદ રાખો અને હનુમાનજીને અર્પિત કરી દો ત્યારબાદ ઋતુફળ અર્પિત કરો.(પ્રસાદમાં ચૂરમા, ભીંજવેલા ચણા કે ગોળ ચઢાવવો ઉત્તમ રહે છે) હવે લવિંગ-એલાઈચીયુક્ત પાન ચઢાવો. પૂજાનું પૂર્ણ ફળ પ્રાપ્ત કરવા માટે આ મંત્રને બોલીને હનુમાનજીને દક્ષિણા અર્પિત કરો...
ऊं हिरण्यगर्भगर्भस्थं देवबीजं विभावसों:।
अनन्तपुण्यफलदमत: शांति प्रयच्छ मे।।
ऊं हनुमते नम:, पूजा साफल्यार्थं द्रव्य दक्षिणां समर्पयामि।।
ત્યારબાદ એક થાળીમાં કર્પૂર તથા ઘીનો દીવો પ્રગટાવી હનુમાનજીની આરતી કરો. આ પ્રકારે પૂજા કરવાથી હનુમાનજી અતિ પ્રસન્ન થાય છે અને ભક્તની દરેક મનોકામના પૂરી કરે છે.
પૂજન માટે શુભ મુહૂર્ત આ પ્રમાણે છે
સવારેઃ- 5:50 થી 7:25 વાગ્યા સુધી
સવારેઃ- 7:25 થી 9:00 વાગ્યા સુધી
સવારેઃ- 9:00 થી 10:40 વાગ્યા સુધી
સવારેઃ- 11:50 થી 12:40 વાગ્યા સુધી
બપોરેઃ- 12:20 થી 01:55 વાગ્યા સુધી
સાંજેઃ- 5:00 થી 6:45 વાગ્યા સુધી
આ રીતે થયો હતો હનુમાનજીનો જન્મઃ-
શિવપુરાણ પ્રમાણે દેવતાઓ અને દાનવોને અમૃત વહેંચતી વખતે વિષ્ણુએ મહીનીનું રૂપ ધારણ કરેલું જોઈને લીલાવશ શિવજીએ કામાતુર થઈને પોતાનો વીર્યપાત કરી દીધો. સપ્તર્ષિઓએ તે વીર્યને કેટલાક પત્તાઓમાં સંગ્રહિત કરી લીધું. સમય આવ્યે સપ્તર્ષિઓએ ભગવાન શિવના વીર્યને વાનરરાજ કેસરીની પત્ની અંજનીના કાનના માધ્યમથી ગર્ભમાં સ્થાપિત કરી દીધું. જેનાથી અત્યંત તેજસ્વી તથા પરાક્રમી શ્રી હનુમાનજી ઉત્પન્ન થાય.
વાલ્મિકી રામાયણ પ્રમાણે બાલ્યકાળમાં જ્યારે હનુમાન સૂર્યદેવને ફલ સમજીને ખાવા દોડ્યા તો ઘબરાઈને દેવરાજ ઈન્દ્રએ હનુમાનજી ઉપર વજ્રનો વાર કર્યો હતો. વજ્રના પ્રહારથી હનુમાન નિસ્તેજ થઈ ગયા. આ જોઈ વાયુદેવ ખૂબ જ ક્રોધિત થયા અને તેમને સમસ્ત સંસારમાં વાયુના પ્રવાહનો રોકી દીધો. ત્યારે સંસારમાં હાહાકાર મચી ગયો. ત્યારે પરમપિતા બ્રહ્માએ અડતાની સાથે જ હનુમાનજીને હોશ આવી ગયો. તે સમયે બધા દેવતાઓએ હનુમાનજીને વરદાન આપ્યું. આ વરદાનથી જ હનુમાનજી પરમ શક્તિશાળી બન્યા હતા.
દેવતાઓને આપ્યા હતા હનુમાનજીને આટલા વરદાન જેનાથી તેઓ શક્તિશાળી બન્યાઃ-
1-ભગાવન સૂર્યએ હનુમાનજીને પોતાનું તેજનો સોમો ભાગ આપતા કહ્યું કે જ્યારે તેમાં શાસ્ત્ર અધ્યયન કરવાની શક્તિ આવી જશે, ત્યારે હું જ તેને શાસ્ત્રોનું જ્ઞાન આપીશ, જેનાથી તે સારો વક્તા બની શકે અને શાસ્ત્રજ્ઞાનમાં તેની સમાનતા કોઈ જ નહીં કરી શકે.
2-ધર્મરાજ યમે હનુમાનજીને વરદાન આપ્યું હતું કે તે મારા દંડથી અવધ્ય અને નિરોગી હશે. કુબેરે વરદાન આપ્યું હતું કે આ બાળને યુદ્ધમાં ક્યારેય વિષાદ નહીં થાય અને મારી ગદા સગ્રામમાં પણ તેનો વધ નહીં કરી શકે.
3- ભગાવન શંકરે એવું વરદાન આપ્યું હતું કે તે મારા અને મારા શસ્ત્રો દ્વારા પણ અવધ્ય રહેશળે. દેવ શિલ્પી વિશ્વકર્માએ વરદાન આપ્યું કે મારા બનાવેલ જેટલા પણ શસ્ત્ર છે, તેનાથી અવધ્ય રહેશે અને ચિરંજીવી રહેશે.
4-દેવરાજ ઈન્દ્રએ હનુમાનજીને એવું વરદાન આપ્યું કે આ બાળક આજથી મારા વજ્રથી પણ અવધ્ય રહેશે.
5-જળદેવતા વરુણે એવું વરદાન આપ્યું કે દસ લાખ વર્ષની ઉંમર થઈ જાય તો પણ મારા પાશ અને બળથી આ બાળકનું મૃત્યુ નહીં થાય.
6-પરમપિતા બ્રહ્માએ હનુમાનજી વરદાન આપ્યું કે તે બાળક દીર્ધાયું, મહાત્મા અને બધા પ્રકારના બ્રહ્મ દંડોથી પણ મારી નહીં શકાય. યુદ્ધમાં કોઈ પણ જીતી નહીં શકે. તેઓ ઈચ્છા પ્રમાણે રૂપ ધારણ કરી શકશે. તેમની ગતિ તેમની ઈચ્છા પ્રમાણે જ તેજ કે ધીમી થઈ શકશે.
